Sogn og Fjordane Folkemusikklag ønskjer framlegg på kandidatar til Folkemusikkprisen 2014. Folkemusikkprisen delast ut annan kvart år, og skal gå til enkeltpersonar, lag eller institusjonar som har gjort særleg mykje for folkemusikken i fylket vårt.
I 25 år har Førdefestivalen presentert musikk med røter i kulturar frå heile verda. Temaet for Førdefestivalen 2014 vert LOKAL-GLOBAL. Dette illustrerer det festivalen har stått for sidan starten. Meir om årets tema og artistar som er klare så langt på heimesida til Førdefestivalen.
Sogn spel- og dansarlag innbyr til kurs i Sognaspringar med Bjørg og Kjell Berge laurdag 1. februar på Sogndal folkehøgskule.
Naustedalen Spelemannslag fyller 60år no i årsskiftet 2013/14. Dette vert feira med Jubileumsfest i Fosshalla i Naustdal laurdag 18. januar kl.19.00.
Folkemusikkduoen Margit Myhr (23) og Erlend Apneseth (23) er dei fyrste som får Leveld Kunstnartun sitt E-CO-stipend.
Stipendet går til unge, talentfulle kunstnarar på arbeidsopphald i Leveld Kunstnartun. Myhr og Apneseth får begge eit stipend på 8000kr.
FolkJazzScena sitt vårprogram opnar med konsertar med Erlend Apneseth og Nils Økland laurdag 1. februar på Ciderhuset i Balestrand og 2.februar på Eikåsgalleriet i Jølster.
Austrheim musikklag, Gloppen hardingfelelag og Hyen spelemannslag vert i fellesskap arrangørar av Fylkeskappleiken 2014. Kappleikshelga vert 28.-29.mars og kappleiksarena vert Aulaen i Firda vgs på Sandane. Sogn og Fjordane folkemusikklag ønskjer dei lokale arrangørane lukke til med kappleiken og ser fram til FK2014. Meir nytt om fylkeskappleiken vert lagt ut snart!
Det vert hardingfelekonsert med Synnøve S. Bjørset og Erlend Apneseth i Ålhus kyrkje 3. januar kl.2000. På konserten kan du oppleve både fersk improvisasjon og eldgamle tonar.
Jostedal spel- og dansarlag innbyr til kurs i hardingfelespel med Håkon Høgemo helga 4.-5. januar på Jostedal hotell. Alle er velkomne til å starte nyåret med å ta turen til Jostedal og få med seg eit inspirerande hardingfelekurs! Informasjon om påmelding m.m. nedanfor:
Arve Bjørn Røneid frå Luster vart tildelt heidersprisen Vågåfatet 2013 då Vågatreffen vart arrangert for 37. gong. Leiar i Vågå trekkspillklubb Torleif Kvehaugen i Vågå og treffgeneral Arne Stasviken delte ut prisen til Arve Bjørn under konserten laurdag 1.november.
Det vert romjulskonsert i Gaupne kyrkje 28. desember kl.1700. Artistar vert m.a. Mathilde Skjæret, Henning Lad, Norill Terese Norheim, Einar Bolstad og Gaupne skule- og ungdomskorps.
Førdefestivalen FolkJazzScena innbyr til julekonsert i på Rica Sunnfjord Hotel torsdag 5. desember med den gledespreiande duoen Gabriel Fliflet og Ole Hamre. Med seg til Førde for å synge jula inn har dei også Berit Opheim. «Synge jula inn» må i denne samanhengen sjåast på i vidaste forstand. Dette vert nok ikkje ein julekonsert av det tradisjonelle slaget!
Kurs i danseopplæring vart vellukka gjennomført på Fjelli i helga. Asbjørg og Arne M. Sølvberg var instruktørar for seks ivrige deltakarar frå Sogn og Nordfjord. Hovudmålet med kurset var å få fleire til å våge seg i sving med danseopplæring for born og unge.
