10 ÅRS JUBILEUM FOR HONNDALSMUSIKKEN

Hornindal 13. september 2014:

Honndalsmusikken innbyr til 10 års jubileum og storkonsert på Låven i Hornindal laurdag 13. september kl.1930. CDen "Bryljaupsafta" som vart sleppt tidlegare i sommar, får sjølvsagt ekstra merksemd. I tillegg til å feire seg sjølv vert det markert at det er 125 år sidan Lars Hjellbakk vart fødd og 100 år sidan Ragnvald Lunde vart fødd.

Av gjester på konserten kan nemnast Leif Rygg og Knut Hamre. Begge landskjende vinnarar av landskappleiken og gode vener av honndalsspelet.

I tillegg kjem også Britt Pernille Frøholm. Ho vart tidlegare i sommar norgesmeister då ho vann solospel gammaldans på Landsfestivalen. Kanskje kjem også fleire medlemmar frå gruppa MAAR.

Det vert dansespel med Hornindal spelemannslag og Halkjelsvika spelemannslag.