Helga 17.-18. oktober arrangere Sogn og Fjordane ungdomslag storkurs i ungdomshuset Viking i Førde. Eit av kursa på programmet er "Rettleiing i folkedans. -Korleis gje born og unge høve til å lære folkedans?" Instruktørar på kurset vert Asbjørg og Arne M. Sølvberg.som i årevis har drive med opplæring i folkedans i regi av Fjelli ungdomslag. Kurset er for deg som likar å danse og gjerne vil gje born og unge sjansen til å oppleve den same gleda. Det er ingen førehandskrav til dansekunnskap eller etterkrav om å verte instruktør. I tillegg til instruktørkurset byr storkurshelga også på bunadsseminar, kurs i yoga og samling for tillitsvalde. Påmeldingsfristen var 6.oktober, men det er framleis mogleg å melde seg på!. Fullstendig kursfaldar er lagt ut nedanfor.
Denne veka har Linda Gytri frå Oldedalen i Stryn samla sin nye trio i Lærdal Musikkstudio for innspeling av ny plate. Gytri sine folkemusikalske komposisjonar får nye fargar og valørar i møte med nye musikarar. Trioen består av pianolegenda Timo Alakotila frå Finland og telemarkingen Anders Bitustøyl på kontrabass saman med Linda på trekkspel. Plata skal få navnet "Audire". Ordet kjem frå latin og betyr ”å lytte”. Platesleppet er venta i februar/mars.
Honndalsmusikken vann Folkelarmprisen 2014 i klassa for tradisjonelt samspel med plata "Bryljaupsafta". Det vart klart då Folkelarmprisane vart delte ut på Folkelarm i kveld 27.9. Øvrige vinnarar vart: Hekla Stålstrenga (årets folkemusikar), "Spelarhola" med Hamre/Røynstrand/Teigland (solo), "Rosekolla" med Eli Storbekken (dokumentasjon) og "Et steg ut" med Susanne Lundeng (open klasse).
Sogn og Fjordane Folkemusikklag, Førdefestivalen og SOFUL har utarbeida eit innspel i høve den politiske debatten som pågår i fylket der folkemusikksatsinga er truga av nedskjeringar. Det er vårt og berre vårt ansvar å ta vare på og utvikle vår eigen musikkarv. Vi stoler på at fylkespolitikarane framleis tek dette ansvaret på alvor.
MAAR med plata "Vrangsvevd" og Honndalsmusikken med plata "Brylljaupsafta" er begge nominert til Folkelarmpris i klassa Tradisjonelt samspel. Dei to konkurrerer om prisen med plata "Smiles of sun" ( folk music from Lorestan) med Nezam Rajabzadeh. Folkelarmprisen vert utdelt 27. september.
Både Maar og Linda Gytri trio er klare for konsert under Blest 2014. Blest vert arrangert for fjerde gong og er Sogn og Fjordane sitt svar på By:Larm. Musikkbransjen frå både Hordaland og Sogn og Fjordane samlast for å møte kvarandre og delta på 15 seminar, foredrag, workshops og samtalar – samt oppleve 10 av morgondagens artistar frå regionen. Heile seminarprogrammet til Blest 2014 finn du på heimesidaher.
Torsdag 18.september klokka 19.30 vert det konsert med Erlend Apneseth og Margit Myhr i kjellaren på Gloppen Hotell. Tilskipar av konserten er Jeremiasfestivalen.
Hardanger spelemannslag er vertskap for Vestlandskappleik 2014 i Granvin 3.-5. oktober. Førebels tevlingsprogram og informasjon om påmelding, overnatting m.m. er no lagt ut. Meir nyhende om Vestlandskappleik vert å finne på www.vestlandskappleiken.no og på heimesida til Hardanger spelemannslag. Påmeldingsfristen er 30.9.
Det vert dansehelg i Jostedal 20. september. Denne helga vert det både dansekurs med Kirsten Friis i pols og masurka og stordans på Jostedal samfunnshus til musikk frå Jutullaget.
Førdefestivalen er ein av tre nominerte til prisen "Årets folkemusikkarrangør 2014". Førdefestivalen konkurrerer med Kalottspel og Folkemusikkveka på Ål om utmerkinga som vert tildelt under Folkelarm 25.-27. september. Det er FolkOrg som deler ut prisen på 10 000kr.
Gamlebanken Spelemannslag, i samarbeid med Folkjazzscena og Førdefestivalen, inviterer til festkveld fredag 5. september. Staden er Sunnfjordsalen på Rica Sunnfjord Hotell i Førde. Arrangementet startar kl. 1900 med dansekurs medan sjølve konserten startar kl. 2030.
Styret for Audhild Flaktveit Moxnes Minnepris ønskjer framlegg til kandidatar. Minneprisen er på kr. 10 000 og skal gå til ein lovande hardingfeleutøvar frå Vestlandet som er i C-klasse alder. Prisen vert delt ut i samband med Vestlandskappleiken i Granvin, 3.-5. oktober 2014.
Heile utlysingsteksten er lagt ut nedanfor.
FRIST for innsending av forslag er 15. september 2014!
Honndalsmusikken innbyr til 10 års jubileum og storkonsert på Låven i Hornindal laurdag 13. september kl.1930. CDen "Bryljaupsafta" som vart sleppt tidlegare i sommar, får sjølvsagt ekstra merksemd. I tillegg til å feire seg sjølv vert det markert at det er 125 år sidan Lars Hjellbakk vart fødd og 100 år sidan Ragnvald Lunde vart fødd.
