For fyrste gong var det høve til å konkurrere i lagdans også på Landsfestivalen. Danselaget "Lystringen" frå Jostedal vart dermed historiske ved å bli den første klassevinnaren med sin reinlendar. På andreplass kom danselaget "Ogndalsvegen 141 m/venner" medan Spelemannslaget Fjelljom vart nummer tre.
Mokurset 2014 er i gong. 58 ungdommar og 10 instruktørar er samla til ei veke med kurs i spel på fele, hardingfele, trekkspel og toradar. I tillegg er kursleiinga og fleire frivillege i sving under kurset.
På kurset si facebookside ligg fleire foto frå sesongen.
Takk til våre sponsorar og støttespelarar: Sogn og Fjordane fylkeskommune, Førdefestivalen, KOMP, Rff, FolkOrg, Sparebankstiftinga Sogn og Fjordane, Tine Meieriet Byrkjelo og Lerum.
Irene Hestvik og Leon Årdal frå Indre Sunnfjord spelemannslag dansa seg til ein flott 3. plass i klassa for pardans under Landsfestivalen på Steinkjer. Klassesigeren gjekk til Solveig Brekke Hauknes og Ole Nilssen frå Hedemark folkemusikklag medan Heidi Tovmo og Svein Granøien frå Røros folkedanslag kom på andreplass. Frå Sogn og Fjordane dansa også Øygun og Johannes Kjos seg heilt til finaleplass, men enda utanfor dei tre rangerte topplassane.
Erlend Apneseth vart under opningskonserten på Førdefestivalen tildelt Sparebanken Vest sitt musikarstipend på 30 000kr. Konserndirektør Siren Sundland stod for overrekkinga. I grunngjevinga vart det lagt vekt på at Apneseth har markert seg som ein av dei beste folkemusikarane i landet og at han i tillegg torer å gå sine eigne vegar og tenkje nytt.
Emma Nygaard Sætren og Hallvard Sindre Syversbråten frå Spelemannslaget Fjelljom kom på andreplass med 56 poeng i dans fele klasse C under Landskappleiken på Geilo. Fleire dansepar frå fylket oppnådde gode plasseringar på årets Landskappleik. Blant anna er Oddbjørg Ese og Johannes Kjos frå Jostedal spel- og dansarlag klare for A klassa etter å ha oppnådd 87 poeng og 4. plass i dans hardingfele klasse B.
Alle resultat frå Landskappleiken her.
Gro Marie Svidal frå Indre Sunnfjord Spelemannslag gjekk heilt til topps i hardingfele klasse A under Landskappleiken på Geilo. Med 135 poeng tok ho sigeren føre Per Anders Buen Garnås som kom på andreplass med 133 poeng. Ho er dermed den tredje dama nokonsinne til å vinne A-klassa i hardingfele. Som sigrande i A-klassa er ho også ein av dei som får spele på den store meisterkonserten i Operahuset i Oslo 23. november. I tillegg til Gro Marie gjorde også fleire andre utøvarar frå Sogn og Fjordane det svært så godt i hardingfele klasse A. Synnøve Bjørset var nummer 5, Erlend Apneseth nr 6, Vidar Underseth nr 10 og Arne M. Sølvberg nr 12.
Alle resultat frå Landskappleiken her.
Mathilde Skjæret frå Jostedal spel- og dansarlag spelte seg til andreplass i spel hardingfele klasse C under Landskappleiken på Geilo. Ho oppnådde 95 poeng og var med berre to poeng bak klassevinnar Cecilie Skrindo frå Ål spel- og dansarlag. I same klassa kom Kine Svori, også ho frå Jostedal spel- og dansarlag på ein fin femteplass med 90 poeng.
Fleire resultat frå årets landskappleik her
Fredag 13. juni er det klart for første plateslepp av Honndalsmusikken si nye plate "Brylljaupsafta". Platesleppet vert på Karnils-tunet på Sandane under Sommartreffet i regi av Jeremiasfestivalen. Vidare vert Honndalsmusikken å treffe både under Landskappleiken på Geilo og med "stand" på kulturdagane i Hornindal. Offisielt storslepp av plata vert det først 13. september på "Låven" i Hornindal i kombinasjon med 10 års jubileet for Honndalsmusikken.
Hardingfelespelaren Erlend Apneseth (24) frå Jølster vert tildelt Øivind Bergh sin minnepris for 2014. Sjølve utdelinga av den tradisjonelle minneprisen skjer på Peer Gynt-stemnet på Vinstra i august. Øivind Bergh sin minnepris er på 25 000 kr og går til unge lovande fiolinistar. Prisen er eit samarbeid mellom FolkOrg, KORK, Peer Gynt as, etterkomarane av Øivind Bergh og Sparebank 1 Gudbrandsdal.
Tre instrumentmakarar frå fylket oppnådde medalje på instrumenta sine under landskappleiken på Geilo. Hardingfela laga av Harald Kvandal frå Gloppen hardingfelelag kom på tredjeplass og oppnådde sølvmedalje med 342 poeng. I same klasse kom Rolf Inge Kvandal frå Gloppen hardingfelelag på 4. plass med 322 poeng, også dette sølvmedalje. I klassa for fele oppnådde Asbjørn Fonn frå Indre Sunnfjord spelemannslag 2. plass og 316 poeng. Dermed vart det bronsemedalje til hans fele.
Fredag 13. juni kl.1900 innbyr Jeremiasfestivalen til Sommartreff i Karnilstunet. Her vert det plateslepp og underhaldning med Honndalsmusikken. Austrheim musikklag og Grannelaget spelar til dans i og utaføre lada.
Linda Gytri er tildelt Sogn og Fjordane Fylkeskommune sitt kunstnarstipend på 30 000 kr. Dei andre som også får kunstnarstipend er: Arnfinn Kollerud, Anne Viken, Lillian Samdal og Gerd Endestad. Sogn og Fjordane Fylkeskommune sitt etablerarstipend på 50 000kr er tildelt Oddleiv Apneseth.
Under Førdefestivalen 3. juli vert det songkurs med utgongspunkt i songtradisjonane i Sogn og Fjordane. Instruktør er ein av fylkets sine fremste songarar, Unni Løvlid. Kurset er ope for alle interesserte frå 15 år og oppover. Unni er også instruktør i song under Mokursveka. Her er nedre aldersgrense 9 år.
