Smørbukk-kappleiken er ein uformell arena der barn og unge får synge, spele og danse for kvarandre, og møte andre unge i fylket med same interessen. Det er inga nedre eller øvre aldersgrense for deltaking, og på Smørbukk-kappleiken er det plass til alle, uansett nivå!
Alle som deltek får Smørbukk-karamellar i premie. I tillegg vil det vere ein eigen jury som kårar Årets Smørbukk - ei utmerking til den/dei som utmerkjer seg på ein positiv måte i høve til formidling, kreativitet og musikalsk innleving. Elles oppmodar vi alle om å tenkje kreativt og ta med godt humør! For det er slett ikkje utenkjeleg at det vankar nokre ekstrapremiar til nokon som fortener det.
Smørbukk-kappleiken startar med registrering, felles dans, leik og moro kl. 13.00. Så går vi på scena straks vi har blitt litt varme i trøya.
Trykk her for å laste ned påmeldinsskjema som du sender til post (@) folkemusikklaget.no innan 2. april.
Smørbukk-kappleiken er i år samlokalisert med Fylkeskappleiken.
Det kostar ikkje noko å delta på Smørbukk-kappleiken 2013.
Det vil vere høve til å kjøpe kaffi, kaker, pølse m/brød og anna på kappleiksarenaen (Skei Hotell).
Smørbukk-kappleiken er støtta av Rådet for folkemusikk og folkdans og sponsa av Norsk Barneblad.