Velkommen som deltakar på Vestlandskappleiken 2024
Du kan melde deg på ved å trykke på lenkja her: tevling.folkorg.no
Merk at du må vere medlem i FolkOrg for å delta. Logg deg på din brukar i FolkOrg, trykk Vestlandskappleiken og fyll ut skjema for å melde deg og/eller laget/gruppa/partneren din på.
Deltakarpris:
Senior 300 kr pr. pers (solo og par)
Junior 150 kr pr. pers uansett klasse
Senior i lag/gruppe 150 kr pr. pers
Etter representantmøtet (tidl. leiarmøte) i etterkant av Vestlandskappleiken i fjor, vart det lagt fram framlegg til nye vedtekter i Vestlandskappleiken. Dei største endringane i vedtektene er at det vert endring i klasseoppsett. Det vert junior/senior-inndeling i staden for ABCD-inndeling, og det er tillete å spele både i runddans og bygdedans i spelklassane. Open klasse har ikkje senior/junior-inndeling.
Nokre merknadar om reglar:
I spel solo, gruppespel og lagspel kan ein delta med maks to startnummer pr. solist, gruppe eller lag pr. klasse. Ein kan t.d. spele ein gong fele bygdedans og ein gong fele runddans i same klasse. Ein kan òg delta fele bygdedans og hardingfele bygdedans. Ein kan ikkje delta på fele bygdedans, fele runddans, hardingfele bygdedans OG hardingfele runddans, fordi det er meir enn 4 startnummer. Dersom ein vil, kan ein delta med ein runddansslått og ein bygdedansslått på same startnummer, men då kan ein ikkje delta fleire gongar med mindre ein spelar eit anna instrument på andre startnummer.
I gruppespel er krava 2-4 instrument. Må ikkje vere minst 2 bærande instrument, altså melodiinstrument. Óg her kan ein ein spele ein runddansslått og ein bygdedansslått på same startnummer om ein vil, eller to av same danseform.
I lagspel er lagspel fele/hardingfele og lagspel durspel/trekkspel slått ihop.
Det vert ei super-junior-klasse, der alle juniorklassane tevlar med eit dommarpanel beståande av 3 dommarar frå kvar fagdisiplin, elles vert det vert 3 dommarar i spel, 3 dommarar i dans og 3 dommarar i vokal i seniorklassane. Juniorklassane vert skilde frå kvarandre i påmeldingsportalen for å skilje deltakarprisen.
I lagdans junior er kravet for deltakarar minst 3 par, medan i senior er kravet 5 par.
Elles visar vi til tevlingsreglementet til FolkOrg som ein kan laste ned her:
Tevlingsreglementet revidert 6.12.2023
På representantmøtet søndag 6. oktober kl. 11 etter kappleiken, vert vedtektsendringane vurdert. Dersom du har kommentarar til dei nye reglane, så ber vi om at du tek det opp der.
Har de spørsmål om tevlinga, så send gjerne ein epost til nikolai@folkemusikklaget.no
Påmeldingsfrist er 22. september.
Vil du vere med som publikum og/eller dansande er prisen som følgjer:
Vaksen:
Kun fredag 4. okt 250 kr
Kun laurdag 5. okt 250 kr
Heile helga 400 kr
Ungdom 12-18 år:
Kun fredag 4. okt 100 kr
Kun laurdag 5. okt 100 kr
Begge dagar 200 kr
Born under 12 år:
Gratis