Til konserten har dei invitert Ellen Therese Thuland (song) og Hilde Fjerdingøy (toradar), som er på turné i Sunnfjord i november. Det nyskipa Havbrusen Folkemusikklag stiller med konsertinnslag og dansespel.
Vertslaget spelar opp, fulle av sjølvtillit etter lagspelsigeren på Vestlandskappleiken, og er glade for å kunne presentere dei nye felespirene som starta på kurs i fjor haust. Sjølvsagt vert det sal av mat og drikke. Små og store er velkomne til marknadsfest!