Viksdalsmarknaden 2013
Viksdalen skule
Laurdag 9. november
Kl 12.00–16.00
Marknadssal
Marknadskafé med risengrynsgraut, klintemat, vaflar, kaffi og brus
Marknadslotteri
Kl 20.00–00.30
Marknadsfest for heile familien
Konsert og dansespel:
•"Kringslått", Helene Myklemyr Bolstad og John Oddvar Kandal
• Helen Tyssekvam, song og pianospel
• Gaular Spelemannslag
Festbillett: kr 200 for vaksne over 18 år kr 50 for skuleborn/ungdom
Sal av mat og drikke
Søndag 10. november
Kl 11.00
Gudsteneste med folketonepreg i Viksdalen kyrkje.
Folkemusikarane Helene Myklemyr Bolstad og John Oddvar Kandal deltek i gudstenesta med trekkspel og fele
Kl 12.30–16.30
Marknadssal
Marknadskafé Raspekakemiddag til kl 15.30. Pris kr 120 / kr 80. Sal av kaffi, brus og kaffimat
Marknadslotteriet, trekking kl 16.00
Arrangørar:
Alvhild og Einar Eldal
Gaular Spelemannslag
Eldalsdalen Grendalag
Meir om marknadsfesten:
Gaular Spelemannslag inviterer små og store til konsert og dans på laurdagskvelden. Gjestemusikarar i år er duoen "Kringslått": Helene Myklemyr Bolstad og John Oddvar Kandal.
Dei trekte fullt hus i Eldalsløa i fjor sommar med flott konsert og drivande godt dansespel.
Helene Myklemyr Bolstad er trekkspelar, oppvaksen i Jostedalen og busett i Skjolden. Ho har overført hardingfeletradisjonen frå heimbygda til trekkspelmusikken sin, og vart allereide i ung alder vide kjend for sin særmerkte spelestil. I tillegg til å vere mykje nytta som "spelemann" både til underhaldning og dans, har ho også gjort teneste som vikar for organisten ved kyrkjelege handlingar.
John Oddvar Kandal er bygdespelemann frå Breim, har vakse opp med lokal tradisjonsmusikk og er ein landskjend felespelar. Han har årelang røynsle som utøvar og har turnert både med eige orkester og som solomusikar i inn- og utland. John Oddvar har vore læremeister, inspirasjonskjelde og musikalsk førebilete for mange yngre felespelarar og vart i 2012 tildelt Folkemusikkprisen for Sogn og Fjordane.
Gaular Spelemannslag med felerekruttar og veteranar i god blanding stiller med konsertinnslag og dansespel. Juniorfelespelar Helen Tyssekvam vil i tillegg ha eit innslag på konserten med song og pianospel!
Fullstendig marknadsprogram nedanfor: