Treng du inspirasjon eller tips til arbeidet med folkemusikkopplæring?

Sogn og Fjordane Folkemusikklag inviterer i samarbeid med Folkemusikarane i Sogn og Fjordane til instruktørseminar.

Dato: laurdag 25. sept.

Tid: 10.30-17.00

Stad: Førdehuset

Seminaret er ope for alle som driv opplærings- og undervisingsverksemd innan folkemusikk, men vil vere særskilt retta mot instruktørar på hardingfele og fele. Treng du inspirasjon, fagleg påfyll og ei real “vitamininnsprøyting” - då er dette seminaret for deg!

Innleiarar på seminaret er Sigmund Eikås, Vidar Underseth og Synnøve S. Bjørset, alle erfarne utøvarar og instruktørar.

Tema for seminaret er mellom anna:

• Kva er målet med opplæringa, og kva lærer vi bort?

• Repertoar og læringskurve, med presentasjon av læreverket ”Mine første feleslåttar”

• Kreativ undervising og smarte tips

Det vil bli lagt til rette for plenumsdebatt og erfaringsutveksling for alle seminardeltakarane.

Seminarpris er kr. 600,-. Prisen inkluderer lunsj i Førdehuset.

Påmelding til Folkemusikklaget v/Synnøve S. Bjørset innan 10. september.