DU SØTE JULENATT - Pretiosa med gjester
Trioen Pretiosa har i lengre tid kosa seg med å grave i notenedteikningar og lydopptak etter gamle musikkperler frå Sogn og Fjordane. Det har gitt resultat! Etterkvart har det mellom alle skattane dukka opp fleire fine og ubrukte julesongar frå fylket vårt. No er trioen i julemodus og gler seg til å presentere både dei nyoppdaga skattane og eit knippe julesongar du garantert dreg kjensel på. Med på laget har dei, som fleire gonger tidlegare, dei to gjestemusikarane Vidar Berge (gitarar) og Kjell Ivar Aase (harmonium).
12. des.: Holmedal kyrkje
13. des.: Viksdalen kyrkje
15. des.: Rytne gard, Bygstad
16. des.: Naustet - Hauglandssenteret, Flekke
SYNNØVES JULEKONSERT
Felespelar Synnøve S. Bjørset inviterer sjuande året på rad til julekonsert saman med Solbjørg Tveiten (folkesong) og Sigbjørn Apeland (trøorgel). Årets gjest er ingen ringare enn Tuva Syvertsen, vokalist og frontfigur i Valkyrien Allstars. På programmet står både kjende og kjære julesalmar, og meir ukjende perler frå fylket vårt. Ekte stemning, lite stress, ingen cola-nissar og ingen jingle-bells.
6. des.: Gimmestad kyrkje, Sandane
7. des.: Kaupanger stavkyrkje, Kaupanger
8. des.: Eikaasgalleriet, Jølster
JULEDRØM - Majorstuen m/gjester og Førde Kammerkor
"Juledrøm" starta som ei vakker, sterk og stemningsfull plate – ei hyllest til den folkelege julemusikken. No tek Majorstuen med seg musikken frå plata og dreg på juleturné med to av våre fremste folkesongarar på laget. Og ikkje nok med det – denne gongen har Majorstuen også invitert med seg ei rekke kor på konserten!
I Førde kyrkje er det Førde kammerkor som er gjester. Musikarar: Jorun Marie Kvernberg, Synnøve Bjørset, Gjermund Larsen, Tove Dalbakk, Andreas Ljones Vokalistar: Camilla Granlien og Gro Kjelleberg Solli
14. des.: Førde kyrkje
ROMJULSDANS - Dalsfjorden Spelemannslag
Dalsfjorden Spelemannslag inviterer til romjulsdans torsdag 29. desember kl. 20.30 i Flekke Ungdomshus. Før dansen tek til, blir det ein liten konsert der dei yngste utøvarane i laget byr på variert musikk.
ROMJULSFEST - Naustedalen Spelemannslag
Naustedalen Spelemannslag inviterer til romsjulsfest torsdag 29. desember i Fosshalla.