Merk — festen er flytta til samfunnshuset.
Kurset er for nybyrjarar, men passar òg for deg som har dansa litt før og vil friske opp polstaktane. Du treng ikkje melde deg på med partner – vi byter gjennom heile kurset og stiller med fleire dansarar frå laget om det trengst. Instruktørar er Heidi Tovmo og Svein Granøien frå Røros Folkedanslag, med lang erfaring både som instruktørar og som aktive dansarar på konkurransenivå i A-klassen på Landskappleiken.
Laurdag kveld blir det oppvarming med Jostedal Spelemannslag, før Jansons Gammeldansorkester frå Røros spelar opp til dansekonsert på Jostedal samfunnshus. Det blir mest pols, men også reinlender, vals og hoppvals.
🎻Program (oppdatert 26.aug):
Fredag: kurs kl. 19–21 på Jostedal samfunnshus
Laurdag: polskurs på Jostedal samfunnshus kl. 12–15, middag er å få kjøpt på hotellet (biffgryte med rotgrønsaker og potestappe). Skikkeleg gammeldansfest på Jostedal samfunnshus frå 19.00! Oppvarming frå kl. 19-19.30 med Jostedal spelemannslag, dansekonsert med Jansons kl. 19.30–24.
Servering:
Kaffe og heimebakte kaker er for sal i pausene på kurset. Kaffe/te/kaker/pølse for sal på festen. Alkoholservering opnar 19.00.
Prisar:
Polskurs: 400 kr (vaksne) / 100 kr (under 26 år). 50 kr i rabatt på voksenbillett kurs for FolkOrg-medlemmer.
Fest med Jansons: 250 kr (vaksne) / 100 kr (under 26 år)
Kurs og fest må meldast på kvar for seg.
15 % rabatt på overnatting på hotellet, og flott campingplass som næraste nabo.
Påmelding: ring Jostedal Hotell på 57 68 31 19 (eller sms 99 22 50 49)
Prosjektet er støtta økonomisk av Sparebankstiftelsen DNB og er med i Dansen som sosial møteplass-prosjektet til FolkOrg.