Deltaking på kappleiken
Logg inn på https://tevling.folkorg.no/ for å melda deg på kappleiken. Finn Sogn og Fjordane-kappleiken i lista over kappleikar. Påmeldingsfristen er 1. mars.
Påmeldingsavgift:
- Vaksen: 300,-
- Junior: 150,-
- Gruppe/lag: 150,- pr. deltakar
Sjå vedtektene for Sogn og Fjordane-kappleiken for meir informasjon om klasseinndeling og retningslinjer.
Dersom du har spørsmål om deltaking i tevlinga eller påmelding kan du kontakta tevlingssjef Dorthea (dorthea.r.alisoy@gmail.com) eller sognspelogdansarlag@gmail.com. Dersom du har tekniske problem, manglar medlemsnummer eller treng å melda deg inn i FolkOrg kan du kontakta Ingeborg U. Sommer i FolkOrg: ingeborg@folkorg.no eller 45 25 82 37.
Dansespel
Både fredag og laurdag kveld er det dans, og til det trengs det godt dansespel, både runddans og bygdedans. Ynskjer du, laget eller gruppa di å spela til dans? Ta kontakt med tevlingssjef Dorthea (dorthea.r.alisoy@gmail.com) eller sognspelogdansarlag@gmail.com. Meld gjerne frå om de har ynskje om spesielle tidspunkt.
Friviljug
Det blir ikkje kappleik utan dugnadsfolk, og det trengs mange gode hender og hovud i sving. Kan du tenkja deg å jobba i kafeen, på stemnekontoret, som innpiskar og sendebod eller dørvakt, eller med andre oppgåver? Ta kontakt med friviljugsjef Johannes (jokjosen@gmail.com eller 41 53 08 54) eller leiar Mari (sognspelogdansarlag@gmail.com eller 90 53 46 86). Sei gjerne frå om du har ynskje om arbeidsoppgåver (og eventuelt tidspunkt som er spesielt ynskjeleg eller viktig å unngå).
Smørbukkappleiken
Smørbukkappleiken 2026 vert under kappleiken, laurdag 14. mars kl. 13-15. Kappleiken er for alle mellom 0 og 16 år. Her kan du delta med ein song, ein slått eller ein dans, og få ein velsmakande deltakarpremie i retur. Du kan delta solo, i par, eller i gruppe. Påmeldingsskjema finn du på Smørbukkappleiken 2026.